Sjey tilboð upp á skúlabarnakoyring og bussleið

Sunda kommuna fekk nøkur tilboð upp á bussleiðina, sum var boðin út herfyri.

Fýra tilboð komu upp á skúlabarnakoyringina. Tey eru frá trimum veitarum.

Og trý tilboð frá tveimum veitarum komu upp á bussleiðina.

Smápartafelagið Heðin Zachariasen hevur koyringina til 29. februar næsta ár.

Næsta sáttmálatíðarskeið er frá 1. mars 2024 til 30. juni 2028.

Koyrt verður millum Hósvík og Oyrabakka, og har kemur Eiðis kommuna nú uppí.

Hin leiðin er millum Tjørnuvík og Oyrabakka.