Veðurforsøgnin skal avgerða elprísin

Fríggjadagin handaði ein arbeiðsbólkur landsstýriskvinnuni í umhvørvismálum frágreiðing við tilmælum um, hvussu sølan av streymi kann skipast í framtíðini.

Endamálið við hesum er at fáa meira av tí varandi orkuni til høldar, og at bjóða viðskiftafólkunum eitt dynamiskt tilboð, sigur umhvørvismálaráðið.

Í tilmælinum, sum umboð fyri Kommunufelagið og Umhvørvisstovuna samdust um, verður millum annað skotið upp, at SEV skal kunngerða ein bindandi tímaprís fyri eitt samdøgur í senn.

Elsøla í framtíðini

El-prísurin skal grundast á veðurforsagnirnar

SEV skal eisni gera eina prísforsøgn fyri komandi dagarnar, sum er so neyv sum gjørligt.

Tímaprísurin á streyminum skal grundast á veðurforsagnir næstu 24 tímarnar.

Ætlanin er, at elprísurin skal lækka, tá nógv vindorka er, og hann skal hækka, tá nógv olja verður brúkt í framleiðsluni. 

Vindmyllur, vindmyllur hjá SEV, vindmyllur hjá SEV í Porkeri

Onnur skulu sleppa at selja streym

Í framtíðini skal tað heldur ikki bert vera SEV, sum selir streymin beinleiðis til viðskiftafólkini, men eisini aðrar fyritøkur, stendur í tilmælinum.

Søluliðið hjá SEV skal skipast soleiðis, at krossstuðul og persónsamanfall ikki eru møguligt.