Sandoyartunnilin góðkendur til almenna ferðslu

Í gjárkvøldið var stór venjing í Sandoyartunlinum, har 80 fólk frá politinum, Tórshavnar Sløkkiliði, Sands Sløkkiliði, Ambulansutænastuni og Landsverki luttóku.

Endamálið við venjingini var at trýstroyna trygdarútgerðina í tunlinum og eftirkannaði ventilatiónsskipanina og samskiftisútgerðina í tunlinum.

Sandoyartunnilin, eldur í Sandoyartunlinum

Allir partar høvdu egnar eygleiðarar við, sum aftaná skrivaðu hvør sína frágreiðing um venjingina.

Politiið, sum er leiðandi samskipari í tilbúgvingini, tók saman um niðurstøðurnar og hevur góðkent tilbúgvingina í Sandsoyartunlinum.

Landsverk hevur gjøgnumgingið niðurstøðurnar frá venjingini og hevur í dag staðfest, at Sandoyartunnilin lýkur øll myndugleikakrøv og tískil kann lata upp fyri almennari ferðslu.

Arbeiðs- og Brunaeftirlitið hevur somuleiðis brunagóðkent Sandoyartunnilin til almenna ferðslu.

Heini Østerø er tilbúgvingarleiðari.