Ferðafólk slapp ikki við flogfari

Seinnapartin í gjár slapp eitt ferðafólk ikki við flogfari úr Vágum.

Orsøkin var, sambært politiinum, at maðurin, sum er útlendingur, var fullur, men gjørdi tó ikki nakað um seg, hann var róligur.

Politiið bjóðaði sær til koyra mannin hagar, hann kundi fáa bíliga innvist, tí útlit vóru fyri ringum veðri og kulda.

Men tað vildi maðurin ikki. 

Hann segði seg hava heit klæði og ætlaði at bíða uttan fyri farstøðina eftir næsta flogfari.