230 fulltíðararbeiðsleys í november

Arbeiðsloysið í november var 0,8 prosent, skrivar Hagstovan.

Tað svarar til 230 fulltíðararbeiðsleys. 

Fulltíðararbeiðsleys eru fólk, sum eru arbeiðsleys allan mánaðin. 

Eru tvey fólk arbeiðsleys hálvan mánað hvørt, telja bæði sum eitt fulltíðararbeiðsleyst fólk.

Minni enn eitt prosent

Arbeiðsloysið var 0,7 prosent í oktober. 

Arbeiðsloysið hevur verið minni enn eitt prosent síðani apríl í 2022.

Arbeiðloysið er 0,7 prosent hjá kvinnum og 0,8 prosent hjá monnunum.

Hjá ALS eru í dag skrásett 184 fólk, sum fáa arbeiðsloysisstuðul, 74 kvinnur og 110 menn.