14 dagar aftrat í varðhaldi

Tvey fólk, sum eru skuldsett fyri harðskap móti einum barni, skulu vera í varðhaldi í 14 dagar aftrat, avgjørdi Føroya rættur í gjár.

Ákæruvaldið bað annars um fýra vikur.

Annað av teimum skuldsettu bað um tíð at umhugsa, um úrskurðurin skal roynast í Landsrættinum.

Fólkini eru skuldsett fyri harðskap móti einum tríggjar mánaða gomlum barni.

Tað var í oktober í fjør.

Tey eru skuldsett eftir grein 246 í revsilógini, sum er um grovasta harðskapin.

Málið er viðgjørt fyri dupultum afturlatnum hurðum í Føroya rætti, so lítið og einki fæst at vita um tað.