VIDEO: Hallur Danielsen skyldar enn Eliasi at renna nakin runt Hoyvík

Tað er altíð umráðandi at ansa eftir, at tú ikki lovar ov nógv. 

Borðið kann lættliga fanga.

Tað gjørdi tað eitt nú hjá Gary Lineker. Í 2016 lovaði Lineker, at hann skuldi vera vertur í Mach of the Day-sendingini hjá BBC í berum undirbuksum, um barndómsfelag hansara, Leicester, vann Premiere League hetta sama árið. 

Fast tók tað Gary Lineker, at hann undirmetti sínar egnu.

Elias bíðar eftir Halli

Í sambandi við dokumentarin "Móti høgum tindum" - um føroyska hondbóltsævintýrið - er komið fram, at ein líknandi støða eisini finst í Føroyum

Elias Ellefsen á Skipagøtu greiddi í samrøðu við Suna Merkistein frá, at Hallur Danielsen frá Hondbóltssambandi Føroya ikki trúði Eliasi, tá hann segði, at U17-landsliðið við dreingjum fór at vinna European Open-kappingina í 2019. 

"Tá vit fóru til European Open (U17), so segði eg við Hallur (Danielsen, HSF), at vit fóru at vinna. So segði hann við meg, at tað trúði hann ikki uppá. Og um vit vunnu, so skuldi hann renna nakin runt Hoyvík," greiðir Elias Ellefsen á Skipagøtu frá við einum skálkabrosi. 

"Tað hevur hann (Hallur Danielsen) ikki gjørt enn, men kanska vit fáa hann til tað onkuntíð," legði Elias Ellefsen á Skipagøtu afturat. 

Hallur Danielsen

So Hallur Danielsen....

Elias og hinir á landsliðnum bíða enn eftir, at tú fert at halda orð, og tað eru vit rættiliga nógv onnur, sum eisini gera. 

Kringvarp Føroy fer eisini at vísa allar EM-dystirnar hjá føroyska hondbóltslandsliðnum við monnum í sjónvarpinum.  

"Móti høgum tindum" sæst her á heimasíðuni hjá Kringvarpi Føroya. 

A-landsliðið, Hondbóltur

Føroyska hondbóltslandsliðið hjá monnum skal spæla tveir venjingardystir um vikuskiftið.

Dystirnir, sum eru liður í fyrireikingunum til EM-endaspælið í Berlin í komandi viku, eru móti Belgia, og teir verða spældir í Høllini á Hálsi í Havn.

Dystirnir móti Belgia eru í kvøld og í annaðkvøld klokkan 19.30.

Dysturin í kvøld verður vístur í sjónvarpinum, og dystin í annaðkvøld ber til at stroyma á heimasíðu okkara, kvf.fo.

Føroyska manslandsliðið skal spæla tríggjar dystir til EM í Berlin.

• 11. januar: Slovenia - Føroyar
• 13. januar: Føroyar - Noreg
• 15. januar: Pólland - Føroyar