Eiga at hava aðrar møguleikar enn fosturtøku

- Eg havi sjálv umhugsað fosturtøku, tí eg var í dýrastu neyð í sambandi við ein barnsburð.

Tað sigur Ruth Norðgerð, forkvinna í Pro Vita. 

- Einasta hjálpin, sum tað almenna hevði til mín, var júst hetta - eitt tilboð um fosturtøku - hóast eg hevði tørv á hjálp til aðrar loysnir.

Tað sigur hon, nú Pro Vita heitir á Løgmálaráðið um at kanna umstøðurnar hjá kvinnum, sum biðja um fosturtøku.

Pro Vita heldur, at hetta eigur at verða gjørt, áðrenn fosturtøkulógin verður dagførd.

Hoyr samrøðu við Ruth Norðgerð í útvarpstíðindunum: 

Føroya Pro Vita er ein sjálvboðin hjálparfelagsskapur, sum hevur til endamáls at verja lív, frá gitnaði til nátúrligan deyða.