Tað tykist so langt síðani, at Sjúrður Hildarson Hoydal og Djóni Gaard Joensen tóku upphitingarpoddin upp í Føroyum fyri tíggju døgum síðani.

So ófatiliga nógv søga er skrivað hesar dagarnar - søga, ið seinni má granskast úr størri fjarstøðu.

Einasta niðurstøða, ið vit kunnu gera nú er hendan:

Føroyingar lótu als einki liggja eftir í Berlin. Øll góvu sítt ítasta.

Leikarar kýttu seg at kasta bóltarnar á rætta leið undir ovurstórum trýsti frá risastórari mótstøðu.

Fjeppararnir kýttu seg, at stuðla leikarunum í hvørjum tvídysti - í hvørjari takkling og í hvørjum einasta tveitta bólti í Týsklandi.

Einki lá eftir. Eingin takkling á vøllinum, eingin leysur bóltur og ongin rødd á nøkrum fjeppara.