Frítekst tagging:
- Tíðindi, mentan og ítróttur
Nógv krevst um Føroyar skulu víðari
Nógv krevst um Føroyar skulu víðari
Í fyrsta umfari skal føroyska hondbóltslandsliðið vinna sín dyst ímóti Póllandi, meðan Norra skal tapa ímóti Slovenia
Nógv skal hepnast, um Elias Ellefsen á Skipagøtu og Føroyar skulu spæla seg til miðumfarið
Mynd: Axel Heimken / kolektiff
15.01.2024 - 12:12
Nógv krevst um Føroyar skulu víðari í EM-undaspælinum.
Skulu føroysku hondbóltsmenninir víðari úr bólkaspælinum í Berlin til miðumfarið í Hamburg, krevst í fyrsta umfari, at Føroyar vinna sín dyst ímóti Póllandi í dag.
Harafturat skal Norra tapa ímóti Slovenia í seinna dystinum í bólki D í kvøld.
Málúrtøkan
Afturat hesum verður málúrtøkan avgerandi. Sum er, er Norra 14 mál betur fyri enn Føroyar, og tey málini skulu Føroyar vinna inn aftur. Tvs. at um Føroyar vinna við sjey ímóti Póllandi, og Norra tapir við sjey ímóti Slovenia, er javnt, og so verður hugt at, hvør hevur skotið fleiri mál tilsamans.
Sannlíkindini fyri, at hetta hepnast, eru ikki stór, men ein sigur á Póllandi kann kortini hava stóran týdning fyri Føroyar í komandi undanspølum, tí hann kann bøta um styrkismetingina til play-off dystirnar í mai. Styrkistalið avger, um Føroyar koma í pott 1 ella pott 2, skrivar hondbóltssambandið.
Norra hevur tvey stig meir enn Føroyar, og eina málúrtølu, sum er 14 mál betri undan síðsta umfari. GRAFIKKUR: Kenneth Jørgensen
Er kopiera
Nýggjastu sendingar í ÚV
Nýggjastu sendingar í SV
