Rói, Ísak og Pauli sita uttanfyri ímóti Póllandi

Rói Ellefsen á Skipagøtu, Pauli Mittún og Ísak Vedelsbøl eru ikki við í hópinum, sum skal spæla ímóti Póllandi í dag.

Jónas G. Djurhuus og Allan Norðberg verða við í staðin. Hetta er fyrstu ferð, at høgri vongurin úr Vali er við í hópinum hetta endaspælið.

Hetta merkir samstundis, at ungi strikuspælarin Ísak Vedelsbøl, sum í summar skiftir til IK Sävehof í Svøríki, ikki fær sínar fyrstu EM-minuttir hesa ferð.