- Vit mugu taka hattin av fyri Sicko, Daszek og Syprzak

Verjuspælið hjá føroyska hondbóltslandsliðnum var ikki nóg gott. Tað viðgekk venjarin, Peter Bredsdorff-Larsen, eftir32-28 tapið fyri Póllandi í dag.

 - Vit mugu taka hattin av fyri Sicko, Daszek og Syprzak. Tað vóru teir, sum særdu okkum, segði venjarin.

 - Kroppsliga vóru teir við yvirlutan, og tí fingu vit ikki tey kontramálini, sum eg undan dystinum segði, at vit høvdu brúk fyri. Vit fingu tvey, og so vinna vit ikki í dag.

Peter Bredsdorff-Larsen rósti kortini avrikinum hjá føroysku spælarunum.

 - Hetta eru jú Champions League-toppspælarar úr Kielce og París, sum vit tapa fyri í dag.

Ert tú errin av avrikinum samanlagt í dystinum í dag?

 - Ja, ja, hetta er fullkomuliga outstanding, segði danski venjarin.