VIDEO: Vunnu hondbóltshjørtu

Spælarar, venjarar og ikki minst viðhaldsfólkini í túsundtali.

EM 2024 í Týsklandi hevur verið ein sonn fólkaveitsla fyri føroyingar - bæði tey mongu, sum stuðlaðu hondbóltslandsliðnum í Berlin, og tey, sum fylgdu við úr Føroyum.

Í útlendskum miðlum hevur føroyska luttøkan verið kanska størsta søgan úr bólkaspælinum. Ikki nóg mikið við, at Elias Ellefsen á Skipagøtu, Hákun West av Teigum og hinir hava víst hondbóltsspæl á høgum stigi, nei, 10 prosent av landinum stóð og geylaði á áskoðaraplássunum. 

Hondbóltsveitslan heldur fram uttan Føroyar, gamaní, men føroyingar gleða seg ivaleyst til næstu ferð føroysku hondbóltssnillingarnir bjóða stórtjóðunum av.

Sí innslag omanfyri: Lag: (Your love keeps lifting me) Higher and Higher, Jackie Wilson