Søkja eftir stjóra til Lív

Stjórastarvið er lýst leyst, hóast felagið enn er í eini sølutilgongd

Landið eigur framvegis Lív, men felagið er í eini sølutilgongd. Freistin at søkja stjórastarvið er 15. oktober.

26.09.2012 - 15:10

<div>Nevndin í Lív tímir ikki longur at bíða eftir, at felagið verður selt, og søkir nú eftir stjóra. </div><div><br></div><div>Tey, sum ætla sær at søkja, fáa at vita, at stórar og avbjóðandi uppgávur eru fyri framman. Lív er í einari einskiljingartilgongd. Samstundis er felagið farið undir at gera pensjónsskipanirnar einfaldari. Harafturat kemur nýggj lóg væntandi eina ferð í framtíðini um tvungna uppsparing til pensjón.  </div><div><br></div><div>Freistin at søkja stjórastarvið í Lív er til 15.oktober. </div><div><br></div><div><b>Eigur eisini dótturfeløg</b></div><div><br></div><div>Lív eigur dótturfeløgini Tryggingarfelagið Lív, Royndina, eitt íløgufelag, sum letur váðafúsan kapital, Lutaíbúðarvirkið, sum arbeiðir við at fáa til vegar lutaíbúðir og leiguíbúðir, og Fastogn, sum umsitur og eigur vinnubygningar at leiga út.</div><div><br></div><div>Landsstýrið eigur framvegis Lív. Síðani á nýggjárinum hevur Poul Christoffur Thomassen verið settur stjóri í Lív.</div><div><br></div>