- Tíðindi, mentan og ítróttur
300.000 kr. til at kanna Eik Grunnin
<p>Stendur tað vil Vinnumálaráðið, verða 300.000 krónur afturat í hesum árinum at kanna Eik Grunnin.</p><div><br></div><div>Í fjør varð farið at kanna Eik Grunnin í sambandi við, at grunnurin gjørdist insolventur í kjalarvørrinum av húsaganginum í Eik Banka. Mett varð, at kanningin fór at kosta hálva aðru millión krónur, og ein hálv millión varð játtað til fyrsta partin av kanningini.</div><div><br></div><div><b>185.000 kr. brúktar</b></div><div><br></div><div>Skráseting Føroya fekk tær 500.000 krónurnar við eykajáttanarlóg, sum varð samtykt í september í fjør. 185.000 krónur eru brúktar til kanningina, og arbeiðið, sum er eftir at gera, verður mett at kosta 1,3 milliónir kr. </div><div><br></div><div>Skrásetingin hevur sett krav móti Eik Grunninum í konkurs, at granskingarútreiðslurnar skulu hava framíhjárætt. Men rætturin gav ikki Skrásetingini viðhald í kravinum. Avleiðingin verður helst tann, at Skrásetingin einsamøll noyðast at bera útreiðslurnar av granskingini, sigur Vinnumálaráðið.</div><div><br></div><div><b>300.000 kr. í ár</b></div><div><br></div><div>1,3 milliónir kr. vanta framvegis í at gera kanningina lidna, men av tí at so langt er liðið út á árið, hevur Skrásetingin mett, at tørvurin í ár er 300.000 kr. Í uppskotinum til eykajáttan, sum júst er lagt fram, biður Vinnumálaráðið løgtingið um at játta hesa upphædd.</div>
