12 mió. kr. í eykajáttan til strandfaraskipini

Oljuprísurin er hækkaður nærum eina krónu fyri liturin í hesum árinum, og tí vil Strandferðslan hava eykajáttan

Oljan til strandfaraskipini er dýrkað so nógv, at Vinnumálaráðið hevur biðið løgtingið um góðar 12 mió. kr. í eykajáttan.

Johnsigurd Johannesen

25.09.2012 - 15:29

<p>Oljuprísurin er so nógv hækkaður í hesum árinum, at landsstýrið biður løgtingið um 12,3 milliónir krónur í eykajáttan til Strandferðsluna. Síðani 1. januar er oljuprísurin hækkaður nærum eina krónu, úr fimm upp í nærum seks krónur fyri liturin. Í juni kostaði oljan 5,62 kr. fyri liturin. </p><div><br></div><div><b>Játtanin heldur ikki</b></div><div><br></div><div>Upprunaliga vórðu settar av 42,2 milliónir kr. til olju til strandfaraskipni, men seinastu framskrivingarnar vísa, at kostnaðurin fyri olju í ár verður 54,5 milliónir kr. við verandi prísum. </div><div><br></div><div>Tørvurin á eykajáttan til olju eru sostatt 12,3 milliónir kr., og hesa upphædd biður Vinnumálaráðið, sum umsitur Strandfaraskip Landsins, løgtingið um at játta. </div>