Forfólkaval: Talgildu valhølini lata upp í morgin

Í morgin lata talgildu valhølini hjá Føroya Pedagogfelag upp, har teir umleið 2.000 limirnir hjá felagnum skulu velja nýtt forfólk.

Jógvan Philbrow, formaður seinastu níggju árini, stillar uppaftur, men hesa ferð hevur hann ein avbjóðara. Tað er Sanna á Løgmansbø, leiðari á dagstovninum Birkilund í Havn.

Tey bæði vóru í Breddanum fyrrapartin. 

Jógvan Philbrow sigur, at hann ætlar at taka eitt tørn aftrat, tí hann heldur, at hann kann gera mun, og vísir á, at í hansara tíð í formanssessinum er limurin settur í miðdepilin. 

Sanna á Løgmansbø heldur hinvegin, felagið kann gera meira fyri limirnar.

Sí videobrot úr Breddanum her:

Valið í Føroya Pedagogfelag er talgilt, og kunnu limirnir byrja at velja í morgin, 14. februar. Seinasta freist at greiða atkvøðu er á middegi 1. mars, dagin fyri aðalfundin 2. mars. 

Allur Breddin kann hoyrast her.