Dávur Birgisson saknaði føroyskt frálærutilfar til byrjarar

14-02-2024

Um tú vilt læra at spæla gittar, er bara ein háttur, og tað er at venja nógv, sigur høvundurin

Gittaristurin Dávur Birgisson hevur skrivað nýggja lærubók, ið nevnist Gittarskúlin.

Hetta er fyrsta lærubók av sínum slag á føroyskum.

Bókin er bygd upp soleiðis, at byrjað verður við tí heilt einfalda.

Síðani verður lagt aftrat so hvørt.

Tá tú ert komin ígjøgnum bókina, hevur tú førleikar til bæði at spæla, improvisera og lesa nótar.

Hetta er tó sjálvandi treytað av, at tú venur nógv, viðgongur Dávur Birgisson.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500