Bilasølur stovnað vinnufelag

Bilasølur hava stovnað felag. 

Bilasølufelagið er vinnufelag, sum nú er partur av Vinnuhúsinum.

14. februar var stovnandi aðalfundur, og endamálið hjá felagnum er at savna føroyskar bilasølur í eitt felag, sum skal virka fyri felags áhugamálum.

Á stovnandi aðalfundinum vóru sjey fólk vald í nevndina.

Ásfinnur Sigvardsen, stjóri í Bilasøluni, er nevndarformaður, og Saroya Dalsgarð, stjóri í Berg Motors, er næstforkvinna.

Bilasølurnar í nýggja Bilasølufelagnum eru Bilasølan, Waag, Wenzel, Berg motors, Komfort bilar, Nordbil og Reyniservice.