- Tíðindi, mentan og ítróttur
Íslendingur vil royna semju í makrelstríðnum
![](https://kvf.fo/sites/default/files/styles/grein-ovasta-mynd/public/0fea397eacd45b51f3f0aa784c495566.png?itok=LNqJ3xQE)
<div>Íslendingurin, Orri Vigfússon, bjóðar seg at verða semingsmaður millum londini, ið stríðast um rættindini at fiska makrel. Hann hevur sent danska uttanríkisráðharranum, Villy Søvndal, bræv, har hann sigur seg vilja royna semju</div><div><br></div><div>Orri Vigfússon vísir á arbeiðið at fáa fiskimenn í Norðuratlantshavi at gevast við at fiska laks á víðum havi. Orri og felagsskapur hansara keyptu laksakvotu føroyinga, so teir góvust við at fiska laks frá skipi. </div><div><br></div><div><b>85 prosent av fiskiskapinum steðgaður</b></div><div><br></div><div>Tað sama er gjørt aðrastaðni, so nú eru 85 prosent av skapinum eftir laksi á víðum havi steðgaður. Endamálið er at fáa meira laks at koma niðan aftur í áirnar at gýta.</div><div><br></div><div>Hesar royndirnar heldur Orri Vigfússon kunnu brúkast í eini semingsroynd millum strandalondini um makrelbýtið, sum hann bjóðar seg at standa á odda fyri. Í brævinum til Villy Søvndal sigur Orri Vigfússon seg vera til reiðar at koma á fund við danska uttanríkisráðharran um málið.</div>