Áhoyrararnir skulu syngja við

Nýggjasti festivalurin á marknaðinum, Okkara Land, leggur seg eftir at vera fyri tey vaksnu, sum dáma at syngja við framførdu sangunu.

Hetta er fyrstu ferð, at Dan Joensen við toymi skipa fyri einum slíkum tiltaki, men avbjóðingin er spennandi.

Fyriskipararnir hava valt at lata 50 krónur av hvørjum seldum atgongumerki til eitt vælgerandi endamál. Í ár verður stuðulin latin Barnabata.

- Vit vilja vera ein festivalur, sum gevur okkurt aftur. Tí hava vit valt at lata ein part av inntøkuni til eitt vælgerandi endamál. Í ár fær Barnabati ágóðan, kanska velja vit eitt annað vælgerandi endamál næsta ár. Tað taka vit til ta tíð, sigur Dan Joensen, fyriskipari.

Festivalurin leggur seg eftir at vera fyri tey vaksnu, og 18 ára aldursmark er fyri at sleppa inn á økið. 

Eggjað verður áhoyrarunum til at syngja væl við tónleikinum, millum annað við at seta tveir stórar skermar upp við síðurnar av pallinum við rullandi teksti til sangirnar.

Okkara Land verður hildin á økinum uttan fyri Skúlaheimið í Marknagili í Havn, og fer av bakkastokki leygardagin 1. juni.