100 ár síðani General Gordon fórst

Av teimum 19 monnunum, ið fórust við sluppini, vóru 11 mans úr Hvalba.

Hinir, sum fórust, vóru av Tvøroyri, Froðba, Fámjin, Sumba og Skálavík.

Undir gudstænastuni verða nøvnini á teimum, sum sjólótust við General Gordon lisin upp.

Ein grein, sum Óli Jacobsen hevur skrivað um hendingina, verður lisin, og ein stutt andakt verður hildin.

Mansbólkurin úr Hvalba-Tvøroyri luttekur við sangi.

Toppmasturin funnin

Óli Jacobsen skrivar í bókini "Havið tók teir"  um hendingina. Har skrivar hann millum annað, at tað vóru Mortensen menninir á Tvøroyri, sum áttu sluppina General Gordon.

Teir høvdu keypt hana í 1923 úr Svøríki. Sluppin skuldi til Íslands. Toppmasturin á sluppuni var funnin sama ár av sluppini "Lauru" á Suðurlandinum í Íslandi.