- Tíðindi, mentan og ítróttur
Pensjónistar fáa 50 krónur afturat um mánaðin
<p>Pensjónirnar hækka 50 krónur um mánaðin næsta ár. Tað svarar í meðal til 0,85 prosent, sum fakfeløgini hava fingið í lønarhækking í ár. Næsta ár fáa tey 0,85 prosent afturat.</p><div>Tað sigur Annika Olsen, landsstýriskvinna í almannamálum, við Sosialin.</div><div><br></div><div>Sostatt fer hon ikki at eftirlíka kravinum frá Landsfelag Pensjónista um 220 krónur um mánaðin, sum fakfeløgini hava fingið. Annika Olsen sigur, at pensjónir hava altíð hækkað í prosentum, og ikki í krónum, og tað sama verður gjørt hesaferð. Tí heldur hon ikki, at hon hevur brotið nakað lyfti.</div><div><br></div><div><b>220 kr.: 7-8 prosent</b></div><div><br></div><div>- Skuldu allar pensjónir hækkað 220 krónur um mánaðin, hevði hækkingin verið 7-8 prosent. Tað hevði kostað landskassanum einar 25 milliónir krónur, og tað hevur ongantíð ligið í kortunum, sigur landsstýriskvinnan í almannamálum við Sosialin.</div><div><br></div><div>0,85 prosent kosta landskassanum einar 8,2 milliónir kr. </div><div><br></div><div>Annika Olsen ætlar, at pensjónirnar skulu hækka við afturvirkandi gildi frá 1. januar í ár, og á nýggjárinum hækka tær aftur 0,85 prosent. Sostatt verður samlaða hækkingin 1,7 prosent í hesum umfarinum.</div>
