Gomlu bergholini vera tilbúgvingarleið

Gomlu bergholini norður um Fjall skulu brúkast sum tilbúgvingarleið, tá nýggju bergholini eru liðug seint í ár.

Tað er sambært tíðarætlanini.

Men arbeiðið gongur so væl, at tað kanska verður liðugt fyrr.

Tað sigur Dennis Holm, landsstýrismaður, í svari til Steffan Klein Poulsen, løgtingsmann.

Steffan Klein Poulsen spyr, um gomlu bergholini kunnu brúkast til rennarar, gongufólk og súkklur.

Ella sum vatngoymslu til eitt nú smoltaling.

Bummar fyri bergholini

Landsverk mælir til at varðveita gomlu bergholini sum tilbúgvingarleið ella alternativa farleið, sigur Dennis Holm.

Hann sigur, at bergholini eru ikki í nóg góðum standi til ábæra ferðslu, eitt nú fólk til gongu ella á súkklu. 

Bummar verða settir fyri bergholini.

Men tó verður framvegis møguligt at koyra fram til bergholini á verandi vegum.