Óljóð kann raka fleiri fólk

Sylvia Thomsen í Ánunum sigur, at tað hevur loyst seg at gera vart við seg, tá ið larmur hevur verið av skipum ella virksemi á kaiøkinum.

Í januar fekk Klaksvíkar kommuna átalu frá Løgtingssins umboðsmanni í sambandi við handfaring av klagum um larm í Ánunum. Mannagongdirnar vóru ikki í lagi, og kommunan kundi ikki skjalprógva, at klagari hevði fingið greiða afturboðan.

Borgarstjórin lovar, at nú verða mannagongdir fylgdar, um klagur koma um larm.

Klaksvíkar kommuna byggir nú Norðhavnina út 300 metrar norðureftir. Tað er grótið frá tunlunum Norður um fjall, sum verður brúkt til útfylling.