Kappingareftirlitið fer ikki í rættin við Føroya Tele

Kappingareftirlitið fer ikki í rættin við avgerðini hjá Kærustovninum um Føroya Tele.

Kappingareftirlitið segði, at Føroya Tele misbrúkti ráðandi marknaðarstøðu og breyt  kappingarlógina.

Føroya Tele kærdi til Kærustovnin.

Og Kærustovnurin broytti avgerðina, tí hann helt ikki, at Kappingareftirlitið hevði prógvað, at Føroya Tele hevði eina ráðandi støðu á marknaðinum fyri heilsølu av avtalum um fartelefoni. 

- Vit hava gjørt eina heildarmeting og taka avgerðina hjá Kærustovninum til eftirtektar, sigur Terje Sigurðsson, deildarstjóri í Kappingareftirlitinum.