Brúka Vangan at sleppa á vallista

Føroysk lesandi uttanlands fara nú at kunna brúka Vangan at biðja um at sleppa á vallista til løgtingsval.

Tað boðar Løgmálaráðið frá. 

Føroyingar, sum fyribils eru uttanlands í lestrarørindum, hava leingi havt valrætt, men tørvur hevur verið á at nútímansgera mannagongdina at koma á vallistan. 

Nú fer at bera til hjá lesandi at avgreiða umsókn um at koma á vallistan á sjálvgreiðsluni hjá viðkomandi kommunu á Vanganum.

Spara tíð

Møguleiki verður eisini at søkja við gamla oyðiblaðnum.

Broytingin fer at hava við sær, at tað verður munandi skjótari og lættari hjá lesandi uttanlands at biðja um at sleppa á vallistan.

Haraftrat fara kommunurnar at spara tíð og orku til umsiting, og møguligir feilir kunnu lættari kunnu fangast í talgildu umsóknunum.

Tað eru kommunurnar hvør í sínum lagi, sum gera av, um tær bjóða tænastuna út.