Sendikvinna í ES: Báðir partar vilja styrkja sambandið sínámillum

ES-nevndarforkvinnan, Ursula von der Leyen, vitjar í hesum døgum í Føroyum. Á vitjanini undirskrivaðu ES-nevndarforkvinnan og løgmaður, Aksel V. Johannesen, eitt semjuskal. Og hetta er sambært sendikvinnu Føroya í Brússel eitt úrslit av áralangum arbeiði. 

- Man hevur í fleiri ár arbeitt við at fáa ein meira yvirskipaðan samstarvskarm millum Føroyar og ES, og semjuskjalið er eitt úrslit av hesum arbeiði, sigur Elisabeth Rasmussen.

Semjuskjalið er ikki ein bindandi avtalu, men legst sum ein karmur afturat verandi avtalu. 

Tað er torført at meta um, hvat avtalan ítøkiliga kemur at broyta, men kortini er hetta ein staðfesting um, at báðir partir ynskja at styrkja um samstarvsviðurskiftini millum partarnar, sigur Elisabeth Rasmussen. 

Í skjalinum eru nevnd nøkur serstøk øki sum grønt orkuskifti, talgilding, ung, mentan og útbúgving. Og sambært Elisabeth Rasmussen skulu karmarnar í semjuskjalinum hava við sær, at ætlanir kunnu leggjast um, hvussu samstarvið verður styrkt á teimum økjunum. 

Samrøða við Elisabeth Rasmussen, sendikvinnu Føroya í Brússel, kann hoyrast her: