Norðara helvt viðger kommunusamanlegging

Í Suðuroynni er kommunusamanlegging í løtuni á skránni. 

Tað eru sjey kommunur í Suðuroynni, har knøpp 4.600 fólk búgva tilsamans, men nú viðgera tey, um hvalbiar-, fámjins- og tvøroyrar kommuna skulu fara saman í eina kommunu. Og tað skulu tær, heldur ein fakligur arbeiðsbólkur.

Borgarstjórarnir eru eisini jaligir, men vilja lata borgararnar koma til orðanna, áðrenn avgerð verður tikin.

Fýra kommunur eru eftir í syðru helvt av Suðuroynni. Størsta kommunan er Vágs kommuna, har tað búgva um 1.400 fólk. Vágs kommuna hevur ikki verið við í arbeiðinum at kanna kommunusamanlegging og ætlar sær heldur ikki at kanna møguleikan.