Forkvinnan í Málráðnum: "Okkum tørvar eina málsliga hugburðsbroyting"

"Okkara stóra avbjóðing er enskt," staðfestir Randi Kúrberg, forkvinna í Málráðnum.

Tað tykist sum enskt hevur fingið ein ávísan kulfaktor, ið serliga ung hava tikið til sín.

Enskt floymir inn í gerandisdagin á nógvum mótum. At krevja av fólki, at tey heldur brúka føroysk orð, dugir ikki.

Í grundini er neyðugt at fremja eina hugburðsbroyting, sum hevur eina stigvísa og natúrliga broyting við sær.

Randi Kúrberg

Hvussu ein slík skal gerast er ilt at meta um, men skilagott kann vera at hyggja at hugburðinum til royking.

"Fyrr var púra vanligt at sita inni millum fólk og roykja. Hetta er púra óhugsandi í dag," vísir Randi Kúrberg, forkvinna í Málráðnum, á.

"Tað sigur seg ikki sjálvt, at føroyingar tosa føroyskt" er evnið, sum verður umrødd á Móðurmálsdegnum, 25. mars.