Álitið um kringvarpsgjaldið kemur væntandi í morgin

Álitið um kringvarpsgjaldið kemur væntandi í morgin
Miðað verður eftir, at mentanarnevndin skal verða samd, men tað verður torført, sigur nevndarformaðurin
Onkrar broytingar vera í álitinum frá mentanarnevndini um kringvarpsgjald. (Savnsmynd: Bjarni Árting Rubeksen)
 
21.03.2024 - 11:14

Væntandi kemur álitið um kringvarpsgjaldið í morgin.

Tað sigur formaðurin í mentanarnevndini hjá løgtinginum, Sólvit E. Nolsø.

Hann sigur, at hann miðar eftir at fáa samda nevnd, men tað verður torført, ásannar hann.

 

Onkrar broytingar

Onkrar broytingar vera gjørdar í uppskotinum hjá landsstýrinum. Sólvit E. Nolsø vil ikki siga, hvørjar tær eru. 

Men tað er ikki vanligt at broyta eitt lógaruppskot negativa vegin, sigur hann.

Verður álitið lagt fram í morgin, verða onnur viðgerð og atkvøðugreiðsla í fyrsta lagi 11. apríl, tá fyrsti tingfundur verður eftir tann, sum er í morgin.

 

Sólvit E. Nolsø er formaður í mentanarnevndini. (Savnsmynd: Bjarni Árting Rubeksen)

 

13 krónur aftrat um mánaðin

Sirið Stenberg, landsstýriskvinna í mentamálum, hevur skotið upp at hækka kringvarpsgjaldið 13 krónur, upp í 165 krónur um mánaðin. 

Gjaldið hjá pensjónistum, sum hevur verið 50 krónur, hækkar sambært uppskotinum upp í 63 krónur um mánaðin. 

Uppskotið mælir eisini til bíligari kringvarpsgjald hjá smáum virkjum og stovnum.

Skotið verður eisini upp at prístalsjavna kringvarpsgjaldið. Higartil hevur eingin prístalajavning verið. 

Er kopiera
Nýggjastu sendingar í ÚV
Mikudag 26. juni
Morgunlestur mikudagur 26. juni 2024
177128
Týsdag 25. juni
EM tíðindi: 25. juni 2024
177229
Týsdag 25. juni
RagnarRokk á Copenhell 2024
177216
Týsdag 25. juni
Morgunlestur týsdagur 25. juni 2024
177127
Nýggjastu sendingar í SV
Týsdag 25. juni
Veðrið
177246
Týsdag 25. juni
3-2 (24.juni 2024)
177215
Leygardag 22. juni
Video: 5mf kvinnur, Jóansøka 2024
177125
Leygardag 22. juni
Video: 10mf, Jóansøka 2024
177123