22. mars 1984 byrjaði eins og allir aðrir dagar hjá manningini á Heldarstindi, sum tá í fleiri ár hevði roynt eftir toski í Eystrasalti. At fáa bumbur í trolið var ikki óvanligt, og tí hildu teir ikki stórvegis fara at henda, tá teir fingu eina bumbu við sinnopsgassi í trolið júst hendan morgunin. Men innihaldið í bumbuni, sum teir siga var kleimið og mest minti um feitt, fekk álvarsligar fylgjur fyri teir allar. Teir brendust illa og mistu sjónina. Tað hevði við sær, at teir noyddust at liggja á sjúkrahúsi í Danmark í ein mánað, umframt at teir eftirfylgjandi gingu heima leingi. 10 eftir hendinna hitti sjónvarpið teir 7 menninar. Hóast allir siga seg hava tað hampuligt, so hava allir trupulleikar við eygum og lungum. Teir fingu mein fyri lívið.