Fyrsti fundurin um lønir og eftirlønir hjá tingfólki

17.apríl fer grein 25-nevndin, sum er vald at viðgera uppskotið hjá meirilutanum í formansskapinum um lønir og eftirlønir hjá tingfólki, at hava fyrsta fundin.

Í nevndini eru Eyðgunn Samulsen, Johan Dahl, Beinir Johannesen, Hervør Pálsdóttir, Sólvit E. Nolsø og Steffan Klein Poulsen.

Sambært grein 25 í tingskipanini kann løgtingið seta nevnd at geva løgtinginum tilmæli í ávísum málum. 

Hesar nevndir sita bara, til nevndin hevur avgreitt setning sín og í ongum føri longur, enn til tingsetan endar. 

Vanliga hava allir flokkar í løgtinginum fólk í grein 25-nevndum.