- Tíðindi, mentan og ítróttur
Skulu eisini nýta trygdarbelti í bussum
<div>Næstu vikurnar fer Ráðið fyri ferðslutrygd á minna føroyingar á at brúka trygdarbelti, tá teir koyra í bussi. Tann 1. oktober 2009 varð ferðslulógin broytt og krøvini til trygdarútgerð munandi herd. </div><div><br></div><div>Eitt nú hava øll ferðandi í bili og bussi - býarbussar undantiknir - og á tríhjólaðari motorsúkklu skyldu til at nýta trygdarútgerðina, sum akfarið er útgjørt við. Haraftrat má talið av ferðandi í bili ikki fara upp um talið á sitiplássum til ferðandi, sum hava trygdarbelti. Og forboð er fyri at hava ferðafólk í last- ella vørurúmi. </div><div><br></div><div><b>Førarin skal kunna um trygdarútgerð</b></div><div><br></div><div>Førarin av einum bili til flutning av meira enn níggju fólkum - førarin íroknaður - skal, áðrenn farið verður atnkoyra, syrgja fyri, at ferðandi undir 15 ár verða kunnað um reglurnar um trygdarútgerð. </div><div><br></div><div>Ásannandi, at ov lítið hevur verið gjørt fyri at fáa ferðandi at nýta trygdarbelti í bussum, vísir Ráðið fyri ferðslutrygd á, at øll ferðandi í bussum ikki bert hava skyldu til at nýta trygdarbeltini, men eisini eiga at hugsa um vandan, um tey ikki verða nýtt.</div><div><br></div><div>Politiið fer at fylgja átakinum upp við eftirliti í oktober. </div><div><br></div><div><br></div><div><br></div>
