- Tíðindi, mentan og ítróttur
FM-finalur: Dráttur og Fleyr bresta saman
![](https://kvf.fo/sites/default/files/styles/grein-ovasta-mynd/public/flogboltur_kvinnur_ok.jpg?itok=NIZ_4trL)
Dráttur tekur ímóti Fleyr á Giljanesi í kvøld í fyrru FM-finaluni í bestu flogbóltsdeildini hjá kvinnnum.
Fleyr tryggjaði sær seinna finaluplássið við 3-0 sigri á Ternuni á síðsta leikdegi seinasta vikuskiftið, meðan Dráttur hevur ligið fremst mestsum alt kappingarárið.
Kortini kann roknast við einari spennandi finalu, tí tvær ferðir hevur Fleyr vunnið á Drátti í ár. Tað eru samstundis einastu dystirnir, sum Dráttur hevur tapt.
Liðini hittust eisini í steypafinaluni. Tá vann Dráttur við trimum settum ímóti tveimum.
Spældar verða tvær finalur. Vinna liðini hvør sín dyst – sama hvat settmunurin er – fellur avgerðin eftir sokallað gullsett, sum gongur upp í 15 stig, skrivar Flogbóltssambandið.
Seinna finalan verður í høllini á Hálsi leygardagin.