Hava einki frætt um sekt hjá Bakkafrosti

Nú eru tvey ár síðani, at Heilsufrøðiliga starvsstovan sendi fútanum málið um sektina hjá Bakkafrosti.

Haðani er einki frætt enn.

Bjarni Hammer, løgtingsmaður, spurdi Høgna Hoydal, landsstýrismann, um hetta málið.

Bjarni Hammer spurdi eisini, um ein møgulig sekt fer í landskassan ella ríkiskassan.

Høgni Hoydal svarar, at er ikki serstøk avtala gjørd, fara inntøkur frá sektum í Føroyum í statskassan.

Men arbeitt verður við einum øðrvísi býti millum ríkiskassan og landskassan, sigur landsstýrismaðurin.