Ísrael ætlar at leypa á Rafah - sivilfólk verða flutt burtur

Ísraelska verjan er farin at flyta burtur sivilfólk úr Rafah, nú hernaðarligt álop er í umbúna.

Tað boðar ísraelska verjan frá á útvarpsrásini hjá ísraelska herinum, skrivar Reuters.

Sambært blaðnum, eru bæði altjóða og palestinskir hjálparfelagsskapir kunnaðir um, at fólk verða flutt burtur.

Ísraelski verjumálaráðharrin, Yoav Gallant, róð í gjárkvøldið fram undir eitt hernaðarligt álop, sum er í umbúna í Rafah, og sum byrjar um stutta tíð.

Mett verður, at 1,3 milliónir fólk eru flýdd til Rafah, har Ísrael nú hóttir við at gera innrás.

Býurin er heilt har suðuri í Gasageiranum, á markinum móti Egyptalandi.

Sambært Times of Israel, verða sivilfólk biðin um at fara til eitt øki við Al-Mawasi og Khan Younis.