Ákærdur fyri eldáseting og roynd at seta eld á

Føroya rættur fer í morgin at viðgera eitt revsimál um eldáseting og roynd at seta eld á.

Ein maður, sum tá var 16 ár, er ákærdur fyri at ætla at seta eld á eina bensinstøð í Havn.

Hetta var 27.august í 2022. 

Maðurin er ákærdur fyri at taka bensin úr einari pumpu og festa í tað.

Bensinið brann, men eldur kom ikki í pumpurnar, hóast bensinið lá at teimum.

Maðurin noktar seg sekan.

Hann býr í Grønlandi. Hann kemur ikki til Føroya á rættarfundin, men verður við á video.