Undantøk vera givin av samvitskuorsøkum

Seinnapartin kom rættarnevndin við trimum minnilutaálitum í uppskotinum um nýggja fosturtøkulóg.

Samgonguumboðini í rættarnevndini, tó við undantøku av Henriki Old, mæla til at samtykka uppskoti at loyva fosturtøku til 12. viku.

Samgonguumboðini hava tó gjørt eina broyting í uppskotinum, sum Bjarni Kárason Petersen, landsstýrismaður í lógarmálum, legði fram.

- Vit hava gjørt eina undantøkuáseting, fyri hvørs starvsfólk tað gongur móti egnari sannføring, at tey skulu fríttstillast at vera við til at fremja fosturtøku, sigur Hervør Pálsdóttir, forkvinna í rættarnevndini. 

Betri við undantøkum enn eingi at hava

Henrik Old, samgonguumboð, ein annar minniluti, tekur ikki undir við uppskotinum.

Triði minnulutin, andstøðuumboðini, tekur heldur ikki undir við uppskotinum.

- Tað er best, um málið ikki verður samtykt, men um tað ringasta hendir, er betri at hava undantøk enn eingi at hava.