Sjey mánaða fongsulsrevsing fyri at smugla MDMA

Ein maður fekk sjey mánaða treytaleysa fongsulsrevsing í Føroya rætti sunnudagin fyri at smugla 61 gramm av MDMA til Føroya.

Maðurin kom við flogfari um áttatíðina leygarkvøldið.

MDMA er tað sama sum ecstasy. Maðurin hevði rúsevnið innvortis.

Ein annar maður, sum bíðaði eftir hinum á flogvøllinum, var eisini tikin. Báðir menninir játtaðu seg sekar.

Báðir vóru í rættinum sunnudagin. Annar maðurin hevur ikki fingið dómin enn.

Menninir eru fyrrapartin í tjúgunum.