Verkfall: Ferðamannaskip avlýst at koma á Havnina

Ferðamannaskipið Borealis hevur avlýst at koma á Havnina í dag, tí verkfall er.

- Skipið hevur avlýst, tí vit ikki við vissu kunnu siga, um vit kunnu taka ímóti tí, sigur Hanus Mikkelsen, stjóri í Tórshavnar havn.

Hann fær ikki sagt, hvussu stórur missurin er í krónum og oyrum, men vísir á, at tað eru fleiri aktørar, sum missa inntøku, tí ferðamannaskipið ikki kemur á Havnina. 

- Tað eru sjálvstøðugt vinnurekandi í ferðavinnuni, eitt nú bussførarar, ið missa inntøku, sigur Hanus Mikkelsen. 

Borealis hevur verið á Havnini fyrr, og er eitt ferðamannaskip við umleið 1.000 ferðafólkum.