- Tíðindi, mentan og ítróttur
Útróðrarbátar fáa fleiri dagar á Bankanum og línuskip færri
Útróðrarbátar fáa fleiri dagar á Bankanum og línuskip færri
Fiskidagatalið, sum var 330 dagar í fjør, verður 265 dagar í ár
Fiskidagatalið á Føroyabanka í ár verður 265 dagar, og útróðrarbátar fáa fleiri dagar enn línuskipini. (Savnsmynd)
29.05.2024 - 11:16
Dennis Holm, landsstýrismaður í fiskivinnumálum, hevur nú lýst kunngerð um fiskiskap á Føroyabanka í ár.
Fiskidagatalið, sum var 330 dagar í fjør, verður 265 dagar í ár.
Dagarnir verða býttir øðrvísi millum bólkarnar í ár. Útróðrarbátar fáa fleiri dagar og línuskipini færri.
Skipanin fyri útróðrarbátar undir 15 tons í bólki 5 er tann sama sum í fjør, og tað vera bara teir vinnuligu virknastu bátarnir, sum sleppa á Bankan.
Treytin er, at báturin hevur avreitt fyri hálva millión krónur ella meira, í minsta lagi eitt av árunum 2021-2023.
Bátar í bólki 5, sum lúka treytirnar, og ætla sær á Føroyabanka, hava freist til 4. juni klokkan 16 at søkja Vørn um fiskiloyvi, sigur Fiskimálaráðið.
Er kopiera
Nýggjastu sendingar í ÚV
Nýggjastu sendingar í SV
