Kongur verður verji fyri Koltursætlanini

At kongur vil vera verji fyri Koltursætlanini, kunnu vit brúka, tá vit skulu flyta verkætlanina fram.

Og helst kann tað eisini gera tað lættari at fáa fígging til vega.

Tað sigur Herleif Hammer, stjóri á Tjóðsavninum, nú kongshúsið hevur kunngjørt, at hansara hátign Fríðrikur kongur 10. verður verji fyri Koltursætlan Tjóðsavnsins.

Hoyr innslag í útvarpstíðindunum:

Herleif Hammer

Herleif Hammer er stjóri á Tjóðsavninum.

Koltursætlanin snýr seg um at gera eina antikvariska ætlan fyri oynna, har mentanar- og náttúruarvurin skal verjast og miðlast. 

Fleiri smærri og størri verkætlanir eru, bæði viðvíkjandi mentan og náttúru. 

Ætlanin er at betra umstøðurnar hjá granskarum og starvsfólki at virka í oynni og at betra um møguleikarnar hjá ferðafólki og øðrum vitjandi at uppliva tað, sum oyggin kann bjóða, sigur Tjóðsavnið.

Koltur

Koltur.