Standa framvegis vakt við Polarstjørnuna

Frystilínuskipið Polarstjørnan liggur framvegis við bryggju í Klaksvík við fullari last av fiski. Og har verður tað liggjandi, til verkfallið er av. Í øllum førum skal lastin ikki landast, siga arbeiðarafeløgini.

-Vit hava fólk við skipið alt samdøgrið, sigur Absalon Hansen, formaður í Klaksvíkar Arbeiðsmannafelag.

Fríggjamorgunin var lastin á frystilínuskipinum Pison liðugt landað.  Tað varð gjørt, hóast arbeiðarafeløgini í verkfalli halda, at talan var um verkfalsrakt arbeiði.

Tætt við har sum Pison landaði, liggur frystilínuskipið Polarstjørnan við fullari last. Arbeiðarafeløgini góðtaka ikki, at tað skipið sleppur at landa.

Hoyr samrøðu við Absalon Hansen: