Maskinmeistarafelagið og Fíggjarmálaráðið til seming í dag

Klokkan 13 í dag byrjar semingsroyndin í sáttmálatrætuni millum Maskinmeistarafelagið og Fíggjarmálaráðið um limirnar í Maskinmeistarafelagnum, sum starvast hjá Strandfaraskipum landsins. 

Semingin verður á Semingsstovninum.

Skipara- og navigatørfelagið fer til seming seinni í vikuni, sigur Terje Sigurðsson, semingsmaður, í stuttari viðmerking.

Annfinnur Garðalíð, formaður í Skipara- og navigatørfelagum, sigur, at Maskinmeistarafelagið og Skipara- og navigatørfelagið hava noktað fyri at semjast saman, og tí verður semingin hvør sær. 

Skipara- og navigatørfelagið skal til seming í morgin kl. 10.

- Við okkum hava vit eitt samráðingarupplegg og ymisk semingsuppskot, sum partarnir báðir hava lagt fram í hesi tilgongdini, sigur Annfinnur Garðalíð, formaður í Skipara- og navigatørfelagnum.