Arbeiðsgevararnir siga nei til 37 tíma arbeiðsviku

Arbeisgevararnir tóku málið um 37 tíma arbeiðsviku upp í samráðingunum, sum júst hava verið, men eingin áhugi var frá mótpartinum.

- Tey vildu ikki blanda tað upp í lønarsamráðingarnar, sigur Niels Winther, stjóri í Vinnuhúsinum.

Í samgonguskjalinum

37 tíma arbeiðsvikan fylti rættiliga nógv í valstríðnum seinast, serliga hjá Javnaðarflokkinum. 

Í samgonguskjalið hjá samgonguni millum Javnaðarflokkin, Tjóðveldi og Framsókn stendur eisini, at arbeiðsvikan verður stytt niður í 37 tímar.

Víðari stendur, at trípartasamráðingar verða tiknar upp um at stytta arbeiðsvikuna við einum tíma annaðhvørt ár, til hon er komin niður á 37 tímar. Arbeiðsvikan verður skipað við lóg, stendur altso í samgonguskjalinum. 

Nakrar trípartasamráðingar hava verið, har arbeiðsgevararnir eisini hava verið við. Men nú vilja teir ikki vera við meira.