Politistøðin í Havn seld

Brøðurnir Páll og Gunnar Breckmann hava keypt bygningin. Enn er ógreitt, hvat hann skal nýtast til

So nógvur blámusoppur var í politistøðini í Havn, at politiið noyddist at flyta út. Nú er bygningurin seldur.

14.09.2012 - 15:07

Brøðurnir Páll og Gunnar Breckmann hava keypt politistøðina í Jónas Broncksgøtu í Havn, skrivar Portalurin.Slots- og Ejendomsstyrelsen, sum átti politistøðina, avgjørdi at selja ognina, tí blámusoppur varð staðfestur. Har var so nógvur blámusoppur, at politiið noyddist at flyta út.
Páll Breckmann sigur við Portalin, at støða enn ikki er tikin til, hvat teir skulu brúka ognina til. Um tað ber til at seta bygningin í stand, verður hann helst nýttur til skrivstovur. Ein annar møguleiki er handil, men fyrst skulu kanningar gerast. Økið er umleið 3.000 fermetrar til víddar, og har eru eisini góð parkeringarviðurskifti. <div class="clear"></div>