Nógv meira enn helvtin av húskjunum hevur eingi børn

Eingi børn eru í nógv meira enn helvtini av húskjunum í Føroyum.

19.146 húski eru í Føroyum, sigur Hagstovan.

Í 12.662 teirra eru eingi børn. Í 5.175 húskjum er bara ein vaksin.

Og í 4.797 húskjum eru tvey vaksin.

Í 2.690 húskjum eru trý ella fleiri vaksin og eingi børn.

Hetta er tøl fyri mai í ár.

Gerast fleiri

Serliga húski, har bara ein vaksin er, gerast støðugt fleiri.

Fyri einum ári síðani vóru tey 257 færri enn í mai í ár.  

Í 634 húskjum eru stakir uppihaldarar, tað eru ein vaksin og børn.

Sambært Hagstovuni er eitt húski fólk, sum hava sama skrásettan bústað í landsfólkaskránni. 

Vaksin eru fólk, sum eru fylt 18 ár.