Átta kommunur mótmæla landsvegaskránni

Kommunufelagið átalaði í ummæli sínum til Fiskivinnu- og Samferðslumálaráðið, at freistin fyri at ummæla uppskotið um kunngerð ikki var hildin.

Stutta skotbráið gjørdi, at stundir ikki vóru at leggja uppskotið fyri alla politisku skipanina hjá kommununum.   

Kortini sendi Kommunufelagið eitt hoyringarskriv.

Í tí eru mótmæli frá átta kommunum.

Kommunufelagið fekk uppskotið til ummælis 7. juni.

Freistin var til 18. juni á middegi. 

Fiskivinnu- og Samferðslumálaráðið segði, at tað vildi hava kunngerðina avgreidda á seinasta landsstýrisfundi fyri summarfrítíðina.

Hetta er á ongan hátt haldgóð grundgeving, sigur Kommunufelagið.