5,4 fleiri ársverk í miðfyrisitingini enn í fjør

Higartil í ár eru 5,4 ársverk fleiri í miðfyrisitingini enn í fjør.

Tað sigur Aksel V. Johannesen, løgmaður, í svari til Bárð á Steig Nielsen, løgtingsmann.

Landsstýrið, sum er nú, hevur politiskt uppraðfest nøkur øki, millum annað útlendingamál, umhvørvismál og barnamál, sigur løgmaður.   

Hendan uppraðfesting merkir, at neyðugt var at seta fólk til at lyfta hesar uppraðfestingarnar.

Ársverkini í aðalráðunum kosta 133 mió. kr. í ár.

Tey kostaðu 127,8 milliónir í fjør.

Bárður á Steig Nielsen sigur, at Aksel V. Johannesen segði, tá samgongan var skipað, at ætlanin var, at miðfyrisitingin skuldi ikki kosta fleiri almennar skattakrónur.